Эрон Ислом Республикаси Спорт ва ёшлар вазири Ўзбекистон Республикасига амалга оширган ташрифи доирасида ушбу мамлакат Спорт вазири билан учрашди ҳамда икки давлат ўртасида спорт соҳасидаги ҳамкорликни ривожлантириш ва чуқурлаштириш йўлларини муҳокама қилди. Учрашувда томонлар Эрон ва Ўзбекистоннинг спорт соҳасидаги кенг имкониятларига тўхталиб, ўзаро алоқаларни ривожлантириш, қўшма ҳамкорликни кенгайтириш ва тажриба алмашишни таъкидладилар. Шунингдек, икки мамлакатнинг масъул мутасаддилари томонидан Эрон Ислом Республикаси ва Ўзбекистон Республикаси ўртасида спорт соҳасидаги ҳамкорлик бўйича "Ҳаракатлар режаси" имзоланди. Эрон Ислом Республикаси Спорт ва ёшлар вазири ушбу ташриф давомида Ўзбекистон Республикасидаги бир қатор спорт мажмуалари ва инфратузилмалари билан танишди. Мазкур дастур доирасида Бокс бўйича маҳорат мактаби, Ўзбекистон Олимпия шаҳарчаси, "Ҳумо Арена" спорт мажмуаси ҳамда Ўзбекистон оғир атлетика мажмуаси кўздан кечирилиб, ушбу мажмуаларнинг салоҳияти, имкониятлари ва инфратузилмаси баҳоланди.